تقدر تقولى هتعمل ايه لو؟

تخيل انك بتحب شخص ولا قدر الله حصلتله حادثه
خلت شكله مشوه هتعمل ايه لو جالك وقالك انه محتاجك جانبه قوى
هل هتقدر تقوله أنك خلاص مش هتقدر تحبه بعد النهارده؟
هل هيصعب عليك احساسك بيه أيام زمان وتفتكر انه أكتر
شخص كان حنين عليك واكتر شخص حبك من كل قلبه
وأكتر شخص صانك ومتمناش فى يوم أنه يكون لحد غيرك
لو لا قدر الله أتحطيت فى الموقف ده هتعمل ايه؟
هتضحى بيه فى سبيل ساعدتك مع شخص تانى
ولا هتضحى بنفسك فى سبيل انك تردله نفس الحب اللى حبهولك زمان؟

أتمنى أنى اشوف أرائكم

بصى الموضوع عندى هيختلف شويه

وبعدين انا مش حابه حكايه انوا يصعب عليا دى

انا لازم ما احسسهوش باى حاجه وما احسهوش انى اتغيرت من نحيتوا

يعنى اكون زى ما انا قداموا واضحى باى حاجه عشان افضل جمبوا

ومادام انا بحبوا بجد يبقى هقدر اخليه اسعد انسان فى الدنيا

وهكون انا كمان اسعد واحده ما دام هوا قريب منى وعارف قد ايه انا بحبوا

شكرا لموضوعك ياقمرى وتقبلى مرورى

الاداره

اكيييييد طبعا هفضل معاه ومش هتخلى

عنه لان اللى حصل دا قدر ونصيب مش

بايده وكمان احنا بينا حب وتفاهم

والحب عمره ماكان بالشكل او بالمظهر

بل بالعكس انا هحبه اكتر واهتم بيه اكتر

واحسسه انه بخير وانه زي ماهوا علشان

يتخطى المحنه دى ودى اقل حاجه نقدمهالوا

طالما انه حبنى وكان معايا وكان جنبى دايما